土瓜灣重建居民通訊第九期｜ 【號外】 新賠償政策：你必須知道的三件事？

土瓜灣重建居民通訊第七期｜
【號外】 新賠償政策：你必須知道的三件事

☆ 今期通訊重點 ☆

在各區重建關注組街坊多年來奮力爭取下，市建局近日宣佈因應市場上租金不斷上升，因此提高對租戶的補償金，是十多年來首次調整。不過，提高補償金真的改善到基層租戶的住屋問題嗎? 當中又有什麼注意事項? 今期通訊就有以下提醒：

１. 拎左補償金, 就唔會有市建局的公屋/安置大廈安置, 即係安置或補償, 兩者只能「二選一」。

2. 根據市建局過去補償政策, 規定租戶如拎左賠償金, 不止唔會再有安置, 連本身你在輪候公屋的號碼都會被停止,兩年後先可以重新排過, 或者你打算排公屋, 兩年內都無得申請。

3. 你拎左市建局補償金後,好大可能都只係繼續夠你租舊樓住,但如果你新租住的地方,不幸在兩年內又被市建局宣佈重建,根據過去市建局補償政策的規定, 你到時就唔會再有任何安置或法定補償金.

究竟係拎補償金繼續租私人舊樓住, 定係爭取一個穩定居所的安置，街坊就要考慮清楚一家人的長遠住屋需要喇