【舊區重建評論】市建局又出口術!重建項目假虧損、真盈餘

 

001.png

話說市建局每次推出一個新的重建項目,總會高調開記者會,吹墟自己的「德政」,又會放風話項目預計會虧損多少,講到市建局做重建好似係向街坊派錢咁,而一眾主流媒體就仿佛突然變左市建局的公關部和傳聲筒,只引述市建局說話,至於實情係未咁,就無人再去深入分析及報導。

「不要商場化」的語言偽術

好似上星期市建局宣佈了近年最大型的重建項目-土瓜灣庇利街/榮光街發展項目,市建局總監(規劃及設計)馬昭智就吹水話會堅守「小區重建」和「不要商場化」的原則,又話可以留返更多街鋪,某某報紙就直接引用變成標題《土瓜灣重建遷2000戶 歷來最多 不建商場建街舖》。其實多做重建議題的功課,就不難發現市建局既語言偽術。好似近年經常被報導的利東街重建項目,當中市建局就話保留左一條「行人街」,但實情係周遭地鋪都被高檔連鎖店壟斷,社區小店根本負擔唔起,又例如剛在今年1月先被人收地迫遷的衙前圍村村民,過往市建局就向村民建議所謂的復業安排,被村民批評為假方案,因為回遷後會被市建局逐年瘋狂加租,這些劣蹟就在新重建項目宣佈時被傳媒不知道是刻意,抑或無意地遺忘。

重建項目無利可圖?你呃人!

另外,市建局行政總監林濬又同各大媒體咁講,話庇利街/榮光街發展項目可能虧蝕多達27億元,仲話市建局並唔係賺錢的項目才會做,是社會責任黎添喎。咦,等等先,呢句對白咁熟既,好似之前係電視都成日聽架喎….

其實,如果有關心過重建新聞,就會發現近至去年開展的春田街/祟志街發展項目,遠至2002年時市建局宣佈第一批重建項目時,市建局既高層們都係會用一招,百試不厭架,在宣佈開展時周圍放風話預計會虧損,而各大媒體就缺即時直接轉述,唔理真假,實情就令到公眾有錯誤觀念,以為市建局做重建真係無利可圖,係履行緊「社會責任」,事後究竟係未真係虧損左呢,就無人再理喇!

咁其實實況如何,市建局究竟是龍是蛇?重建項目係未真係咁無利可圖呢?首先等我地一齊回帶,望望下表裡面市建局同埋佢既重要合作重建夥伴香港房屋協會種種誤導公眾的事例先:

002.png

其實,市建局自2001年成立以來,由其開展及已完成的重建項目共9個(扣除了由土發時期已開展及與房協合作的項目),就算扣除埋政府豁免的補地價,所有已完成的重建項目都仲係錄得淨盈餘喎(見下表),而大角咀櫻桃街(櫻桃灣)及西營盤第一街/第二街(縉城峰)的重建項目更分別錄得約18億及約29億的淨盈餘(扣除政府豁免的補地價後),真係豬籠入水喎。

最後,原來林濬話原來市建局希望政府批准將私家街納入地積比,增加可建樓面面積,令項目減少虧損十億,係未又扮虧損哄政府俾你任意發水多賺到盡呢?大家睇完市建局往績,同一番「言論」講足10幾年,都係「狼來了」,大家仲信唔信佢?

歷年由市建局開展及已完成的重建項目的盈餘

 unnamed

參考資料:

立法會-市建局工作報告(由2009-10年度至2014-15年度)

香港公共房屋協會2014-15年報

明報(2016.3.5):土瓜灣重建遷2000戶 歷來最多 不建商場建街舖

商業電台(2016.3.5):林濬指市建局發展庇利街項目是社會責任

太陽報(2002.1.9):耗資13億千戶受影響 灣仔大角咀深水埗重建收地賠三億

文匯報(2003.7.5):與市建局首次合作  五百家庭受影響 深水埗重建 房協蝕一億

香港商報(2003.7.9):五億重建兩區料虧蝕 收購價雖冠全球暫無意修訂準則

 

來源: 草根行動媒體 – 市建局又出口術!重建項目假虧損、真盈餘

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s