轉載:重建街坊團體行動報導| 永不外判 原區安置 興建公屋

PHOTO

市建局自成立以來獲得了三大權力:公帑注資100億、重建項目免補地價及有行使《收回土地條例》強搶民產的權力,有了這些巨大的權力,市建局自然有 公營部門造福社群的責任,有責任令所有其項目不會豪宅化,以及重建所建的房屋是原區街坊可負擔的。然而,由市建局成立至今,卻一直「以錢為本」,完全沒有 盡其社會責任。

四月二十五日下午,順寧道重建關注組和舊區街坊自主促進組發起聯合行動,並有十多個重建街坊組和支持舊區租戶權益的團體(包括H15關注組、青山道 元州街重建關注組、衙前圍村重建關注組、基層發展中心、捍衛基層住屋權益聯盟、領匯監察、青年拒當樓奴運動、關注基層住屋聯席、自治八樓、古洞北發展關注 組)代表成員一同參與行動,在市建局總部樓下,要求市建局作出以下三點承諾:

1) 承諾永不外判,市建局必須親自負責收購、安置、賠償等重建責任,讓社會各界監察;

2) 諾在各重建項目均落實原區安置,完整保留社區網絡,真正改善舊區街坊生活;

3) 要求於重建地皮興建公營房屋,原區安置重建街坊

IMG_9453

(參與行動街坊撕開市建局公關包裝的假聲稱)

順寧道重建關注組和舊區街坊自主促進組日前已電郵要求市建局主席蘇慶和今日親身參與集會聆聽訴求及負責任地作出承諾及回應,但市建局只派出社區發展 高級經理蘇毅朗出席。參與行動街坊多次高呼「蘇慶和接信」、「蘇慶和縮頭烏龜」等口號,對其不面對街坊及公眾的態度強烈不滿。參與行動的街坊、團體及市 民,在市建局總部樓下花園等候了一個多小時,仍不見蘇慶和蹤影,商討後決定,在蘇毅朗承諾分別於四月二十八日及五月十五日限期前,詳細回覆早前四月八日及 今日遞交給市建局信件的條件下,接受由蘇毅朗代為接受信件。如市建局未能在這兩個日期收到市建局的詳細答覆,各區街坊及支援團體均聲言會再發起行動。

IMG_9467

等候蘇慶和出現接信期間,多個參與的街坊和團體均有發言:

IMG_9360

H15 May姐:「大家成日講啲地產霸權,我相信市建局唔係地,係霸權大哥大。我地見到市建局有咁大嘅權力,應該對社會有責任的承擔…市區重建局拎住市區的優質 靚地皮,就用哂黎起豪宅,大家抬頭望一望,小心你嘅頸X發炎,原來佢起好高嘅。市建局可以免補地價,其實係封左個蝕本門,個樓價點樣升,市建局一定唔會蝕 本」

IMG_9372

衙前圍村關生:「佢強搶我地的土地,將土地變為豪宅,但我地呢度係古蹟地,係唔能夠用黎起豪宅地架。係應該喺番原區的平房屋及仿房屋,俾村民,亦俾市民見到個古蹟。」 IMG_9375

衙前圍村郭生:「市建局應該要原區安置啲村民,還我地原有嘅生活及地區網絡…市建局係諗住將成個衙前圍村上空15米高整個大平台,個大平台上面就起 豪宅,大平台的下面就係做保育公園。我地村民的訴求,要佢喺保育公園的門口,起一排仿古屋安置我地。上面個層安置居民,下面個層就安置小商戶,讓我地可以 繼續有原有的生活方式,多謝大家關注」

IMG_9383

K20-23 岑太:「自從呢邊起左好多豪宅,原本我地有好多小店,有好平嘅野買,依家變哂地產街,打橫打直十字路口都係地產鋪。」

IMG_9393

青山道施小姐:「點解我要爭取原區安置?因為我個小朋友依家喺原區讀書,同埋爭取原區安置係因為我喺香港沒有親人,若有甚麼病痛,我可以番去教會, 弟兄姐妹會幫手照顧我兩個小朋友。原區安置對我係好重要,希望市建局可以承諾。希望市建局可以運用自己有嘅資源,令到啲街坊可以安居樂業。」

IMG_9395

西區 Linda:「市建局第一批重建戶,當初話樓換樓、鋪換鋪,仲會起番啲公屋,下面有社區設施。到今時今日佢都無做到,之後佢話無鋪換鋪喇,要自己搵架喇。」

IMG_9401

古洞平叔:「基層市民係香港開埠的先鋒者,香港有今日都係呢班老人家有份創造出黎,並唔係現在依家啲每月攞天文數字人工嘅高官,做出啲違背良心,打壓市民嘅野,拎政府的尚方寶劍周圍去搶屋,再俾地產商去發達,呢啲為左乜野?一句講哂,官商勾結。」

IMG_9417

關注基層住屋聯席 鄭婆婆:「排緊公屋,但側邊啲地收完又係起豪宅,又唔係起公屋。」

IMG_9430

基層發展中心:「數下蘇慶和,蘇慶和九十年代係房協的阿頭,當年荃灣二街重建,成萬戶,佢外判左俾信和做。到2003,04年,過到領滙做行政總 裁,就哄啲小商戶,唔賺錢唔加租,結果領滙今日搞成點?啲商鋪死嘅死,走嘅走。佢當時身體不適,點知佢又黎市建局。仲諗住勾結田生,大家都要好小心。」

IMG_9438

捍衞基層住屋聯盟:「我地覺得一定要捍衞基層住屋的需要,受重建影響的街坊其實都同公屋街坊一樣,都係基層市民。有時我地話公屋街坊比較好,(當被 重建時)作為公營機構,佢一定有原區安置,但市建局就唔一定。而作為基層市民,我地唔能夠接受有啲人能夠維持社區網絡,有啲人住得更加差,更加惡劣,但佢 地受保護的情況更加少。所以我地作為基層居民,一定要出黎撐。」

IMG_9442

青年拒當樓奴:「不斷喺舊區拆左基層的屋,拎黎起豪宅,令到基層市民的住屋選擇越黎越少。而政府成日話唔夠地起公屋,成日話好多年輕人排公屋,要計分,要趕佢走,但其實就係政府喺度製造分化製造對立。」

是次行動的聲明[永不外判 原區安置 興建公屋 責無旁貸]

全文,請去: http://wp.me/p63YM-j7

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s